شام غریبان حضرت رقیه (از: منزوی اردبیلی)

شام غریبان حضرت رقیه

ظلمت گئجه، آی دوره‌سینه هاله گلنده قورخار نئجه شخص اولسا، ائدر ناله گلنده

ظلمت گئجه، آی دوره‌سینه هاله گلنده

قورخار نئجه شخص اولسا، ائدر ناله گلنده

ایجـاد اولـونار مختـلف اشکال و عجایب

تل  اوسته و یا اینکـه سیـه‌ چـاله گلنده

ئوز کولگه‌سینه باخسا هراسان اولی  انسان

قورخـار گوزۆنـه، هیکـلی ابطالـه گلنده

بیلمم او حسینین قـزی اوچ یاشـدا رقیّه

نـه حالیلـه گلـدی گئجــه گــودالــه گلنده

وردی یوخویا دشمنی دوردی  یولا دوشـدی

قورخــدی  دوتــولا فـرقـه‌  جهــالـه گلنده

حتی ائله گلدی کی اونی گورمدی بیر کس

سرین دئمـه‌دی،عمـییه، اطفالـه گلنده

گلمیشدی همان یول کی او زهرای سه ساله

حتمــا ایتیـرر سـالک صـد سالـه گلنده

فیکر ائیلمه کیم گتـدی اونـی مقتلـه بیر بـاش

عاشیق یـول ایتیرمـز ره  امالــه گلنده

زهـرا سسینی آلـدی  او قـز مقصـده چـاتدی

زهـرایـه اوزون ائیلــه‌دی هــم نالــه گلنده

سس گلدی قێزیم سینه‌مه گل یاخشی گلیبسن

تـۆش اولمـامیسـان شمر بــد افعـالــه گلنده

دقتله باخێب گوردی  کی بیر نعشیدی بی‌سر

آهی گلی چـۆن شعلـه‌‌ جـوالـه گلنده

سالــدی اوزونی  سینـه‌سینه ائیله‌دی فـــریاد

گـــور قالـدی  رقیّوْن بـابـا نـه حالــه گلنده

گاهــی ایاقیــم داشـه دگیب گاه یخیلدیــم

قان وئردی دیلیـــم دیده‌  سیّالــه گلنده

اما بابا چون شمر یوخودی  باشیمین اوسته

صد شکــر ائیلدیم ایندی بو منواله گلنده

عالم منـه رحم ائیله‌دی شمر ایلمیر اما

تاپشێر منـی بـاری سـن او  قتّـالــه گلنده

یا قوْیسون اولوم یا منی اوز باشیمه قویسون

لای لای دئییــم اوز اصغریمـه حالـه گلنده

سود گلمیشدی دوشلری دولمێشدی ربابون

قالمێشـدی آنـام آیـری بیــر احـوالــه گلنده

بیر سوزده دئییم قوی بابا شمرین ستمیندن

گور ائتدی نلـر خیمـه اجلالـه گلنده

سجادی یۆزی  اوستـه سالێـب چکـدی رداسیـن

اود ویردی  خیامـه، طمــع مالـــه گلنده

پــر ویردیم اوچــام بیــر طــرفه خیمــه یانانـدا

اود شعلـه چکیـب دوشـدی پر و بالـه گلنده

یانــدی  اتـگیــم قـارداشیــم عابــد یــانـان اوددا

یئـر گــؤی ستم شمریله زلزاله گلنده

گـوشـواره چیخنـجـا قـولاقمـــدان منــی وۇردی

بیــداد ائلـــدی غــارت امــوالــه گلنده

سیلــی یئــری معلومیــدی، قمچـی یئـری اما

مـعلــوم اوْلـــی ویــرانیـــه، غسّــالـه گلنده

غارت سیتــمیـن «منزوی» یاد ائلـییب آغــلار

سـارِق لــر الـــی صفحــه «آماله» گلند

---

(از: منزوی اردبیلی)